Yesu Kama Mwalimu Mkuu

(Waebrania 1, Luka 2, Mathayo 13, Luka 16)

 

Utangulizi: Je, ulipokuwa shule uligundua kuwa baadhi ya walimu walikuwa wazuri zaidi kuliko wengine? Kwa nini? Tatizo la jumla miongoni mwa waajiriwa wote ni uvivu. Bila shaka baadhi ya walimu ni wavivu, na wanatia juhudi ndogo sana katika kushikilia kazi yao. Walimu wengine wanapenda kufundisha. Wanatia juhudi kubwa kwenye ufundishaji kwa sababu wanapenda kufundisha, na si kwa sababu wanalipwa. Kisha kuna vipengele vya elimu na teknolojia. Je, walimu wamefundishwa mbiu za kufundishia? Je, wanaimudu teknolojia? Mke wangu aliamini kuwa chuo chake hakikumfundisha ujuzi wote wa muhimu wa kufundisha somo la Kusoma. Alimtafuta mwalimu mzoefu kwenye somo hilo na kujifunza kutoka kwake. Mwisho, kuna kipengele cha kibinadamu. Watu wanatofautiana, huku wakiwa na viwango tofauti vya akili, na aina tofauti za vipawa. Vipi kuhusu Yesu? Alijitolea kutufundisha na alikuwa Mungu kamili na mwanadamu kamili – hiyo inamaanisha alikuwa na ujuzi mkubwa wa masuala mbalimbali. Hebu tuzame kwenye somo letu la Biblia na tuone kile tunachoweza kujifunza kuhusu Yesu, Mwalimu wetu Mkuu!

 

I.   Mwalimu Bora

 

A.   Soma Waebrania 1:1-2. Ni kwa jinsi gani Yesu ni mwalimu wa hadhi ya juu kwa manabii? (Manabii waliambiwa nini cha kusema. Yesu ni Muumbaji wetu na ni “mrithi wa mambo yote.”)

 

1.   Nilisoma taarifa kwamba mwalimu wa kawaida wa shule ya sheria katika vyuo vya “Ivy League” alikuwa na zaidi ya mwaka mmoja wa uzoefu wa masuala ya kisheria kabla hajaanza kufundisha. Nilipoanza kufundisha katika shule ya sheria nilikuwa nikifanya kazi za kisheria kwa muda wa miaka 30. Hii inaleta tofauti gani ya kiuzoefu kwa wanafunzi? (Ni tofauti kati ya kusoma tu masuala ya sheria na kufanya kazi za kisheria kivitendo. Kwa upande wa Yesu, alitengeneza kila kitu alichokuwa anakizungumzia!)

 

B.   Soma Waebrania 1:3. Yesu ana sifa gani za kutufundisha kuhusu Baba yake? (Kifungu hiki kinasema kuwa Yesu “ni chapa ya nafsi yake.” Tusingeweza kuwa na mwalimu mwenye sifa zaidi ya Yesu. Katika Yohana 14:8 Yesu anatuambia kuwa kama tumemwona, basi tumemwona Baba yake.)

 

C.   Soma 2 Wakorintho 5:14-15. Yesu ni mwalimu mwaminifu kiasi gani linapokuja suala la wanafunzi wake? (Alikufa kwa ajili yetu. Huko ni kujitoa kwa ajili ya ustawi wa wanafunzi!)

 

II.  Mwalimu Anayeendana na Watu

 

A.   Soma Luka 2:11-13. Kwa nini Yesu alizaliwa mahali wanapoishi wanyama?

 

B.   Soma Mathayo 8:20. Kwa nini Yesu hakuwa na makazi? (Ingawa Biblia inatufundisha kuwa matajiri wanakabiliana na changamoto linapokuja suala la kumfuata Yesu, pia inatufundisha kuwa utii kwa Mungu huleta usitawi – hivyo ujumbe unaohusu umiliki wa mali una mchanganyiko. Mara kwa mara huwa kuna chuki dhidi ya matajiri kutokana na dhambi ya wivu. Ninahitimisha kwa kusema kuwa Yesu alikuwa masikini na asiye na makazi ili wanadamu wasimchukie au kudai kuwa hawezi kuendana nasi – bila kujali hali yetu ya kifedha.)

 

III. Fundisho Jepesi

 

A.   Soma Mathayo 13:3. Tunapata somo gani la kufundisha kwenye maneno, “Akawaambia mambo mengi kwa mifano?” (Visa vinatusaidia kuelewa na kukumbuka jambo linalozungumziwa.)

 

B.   Soma Mathayo 13:4-8. Hebu tuvunjevunje kisa hiki. Mpanzi alishughulikaje na udongo wote? (Udongo wote alishughulika nao kwa usawa.)

 

1.   Je, hilo lilikuwa jambo sahihi?

 

2.   Je, una wazo bora zaidi?

 

3.   Je, mbegu nyingi zilipotea? (Kama kila mojawapo ya mifano hii inahusisha kiasi sawa cha mbegu, basi mbegu nyingi zilipotea.)

 

4.   Je, mbegu zote zilikuwa na mafanikio sawa? (Hapana. Zilitofautiana sana.)

 

C.   Soma Mathayo 13:9. Sote tuna masikio. Ni kitu gani hicho tunachopaswa “kukisikia” kwenye kisa hiki? (Kwa ujumla kisa hiki kinachukuliwa kuwa kinahusu kushiriki (kupeleka) injili na wengine.)

 

1.   Kama ungekuwa unafundisha mambo ambayo Yesu anayamaanisha kwenye kisa hiki, yangekuwa ni mambo gani hayo? (Kuna vigezo vingi vya kuzingatia katika kupeleka injili kwa wengine, vigezo vingi kati ya hivi ni vigumu.)

 

D.   Hebu tupitie tena Mathayo 13:4-5. Kama ungekuwa unaorodhesha changamoto za kufundisha injili, ungeelezeaje jambo hili? (Watu wengine hawako tayari au hawana mazingira mazuri ya kuipokea injili.)

 

1.   Unaona jinsi uelezeaji wa kisa unavyotusaidia kuelewa na kuhifadhi akilini jambo hilo?

 

E.   Hapo kabla nilipokuuliza tunapaswa “kusikiliza” nini, jibu la juujuu ni kwamba hii inahusu matatizo ya kupeleka injili. Tunapata mafundisho gani mahsusi kutokana na kisa hiki? (Wajibu wa mpanzi unatimizwa pale anapogawa mbegu. Anaweza kujaribu kulengesha mbegu yake, lakini vigezo vinginevyo vinaamua mafanikio yake.)

 

1.   Maelfu ya watu wamejiunga ili kupokea somo hili kwa njia ya barua pepe. Si rahisi kujiunga na mfumo wa kupokea masomo haya, kwa sababu inahitajika uonyeshe nia yako ya kupokea masomo haya mara mbili. Kwa upande mwingine, ni rahisi kuondolewa kwenye orodha ya watu wanaopokea masomo haya – kama mfumo wako wa kompyuta utakataa kupokea somo mara mbili, tayari unakuwa umeondoshwa kwenye orodha. Kwa kulitambua hili kutakufanya udhani kuwa kila mtu aliye kwenye orodha ya kupokea somo anataka kusoma masomo haya. Lakini, hilo si kweli, kiasi cha “wazi” kwa masomo haya kipo chini. Kulijua hili kunakatisha tamaa! Kuna hamasa gani kwenye kisa chetu kumhusu mpanzi?

 

2.   Unadhani kisa cha mpanzi ni rahisi kukielewa? Yaliyokusudiwa ni mepesi kuyaelewa?

 

IV.  Fundisho Gumu

 

A.   Soma Luka 16:1-2. Ungefanya nini kama ungekuwa meneja huyu?

 

1.   Sababu gani imetolewa ya kumfukuza kazi meneja?

 

B.   Soma Luka 16:3-4. Suluhisho gani la kukosa ajira halitafanikiwa kwa meneja huyu?

 

1.   Unadhani suluhisho halitafanya kazi? Au, hataki tu kulikubali?

 

C.   Soma Luka 16:5-7. Hii inaashiria nini kuhusu ukweli wa kumfukuza kazi meneja huyu? (Hii inaonesha uwezekano mkubwa kuwa jambo hili ni kweli. Kwa mara nyingine “anatapanya” mali ya bwana wake. Kibaya zaidi ni kwamba anamfanyia udanganyifu mwajiri wake kwa manufaa yake mwenyewe.)

 

1.   Kutokana na ukweli kwamba meneja alikuwa anajaribu kuangalia mbinu ya jinsi ya kuishi baada ya kufukuzwa kazi, mpango wake ni upi? (Wale wanaodaiwa na mwajiri watajisikia kuwajibika kwa huyu meneja asiye mwaminifu, na watakuwa na mwelekeo wa kumsaidia.)

 

D.   Soma Luka 16:8. Je, kisa hiki ni chepesi kukielewa? (Kama ni chepesi, basi fundisho ni kwamba tunapaswa kuwafanyia udanganyifu watu wengine, hata wale ambao tunawajibika kuwa waaminifu kwao, ili kujinufaisha wenyewe. Hiyo haionekani kuendana na Biblia.)

 

E.   Soma Luka 16:9. Utaona kwamba mfano huu unahusu uzima wa milele, “makao ya milele.” Kama hali ndio hiyo, basi “bwana” ni Yesu na wanadamu wanawakilishwa na meneja. Je, tunapaswa kuwa wezi ili tuweze kulipia mikutano ya injili? Je, hilo ndilo fundisho la mfano huu?

 

F.   Soma Luka 16:10-12. Je, haya ni masikhara? Je, hili ni kosa la tafsiri? Je, Shetani alipenyeza kifungu hiki kwenye Biblia? Kwa nini ujumbe wa kisa uhusu uaminifu wakati kwa dhahiri unatangaza vitendo visivyo vya uaminifu?

 

G.   Hebu turejee nyuma na tuangalie tumekosea wapi. Angalia tena Luka 16:8. Yesu anafikisha ujumbe gani mahsusi? (Ulimwengu una mantiki zaidi kwenye mambo kadhaa kuliko kwa wafuasi wa Yesu.)

                                    

H.   Soma Luka 16:9. “Mali zisizo za haki” ni kitu gani? (Hizi zitakuwa ni zile ambazo wapagani wanazichukulia kuwa ni mali – fedha, ushawishi, elimu, uzuri, na nafasi.)

 

1.   Sasa, ongezea ujumbe huu kwenye ule uliopo katika kifungu cha 8. Ujumbe mmoja uliounganishwa ni upi? (Yesu anatutaka tutumie mbinu za kidunia zenye mantiki za “kutengeneza marafiki” kwa ajili ya Ufalme wa Mungu. Mantiki inatuambia tutumie fedha zetu, ushawishi wetu, elimu yetu, uzuri wetu, na nafasi yetu ili kuwashawishi wengine kwenye injili.)

 

I.   Soma Luka 16:13. Je, sasa hii inaleta mantiki kama ufupisho wa kisa hiki? (Ndiyo! Yesu anatuhimiza tutumie mali zetu ili kuendeleza wimbi la kuwapata marafiki kwa ajili ya mbingu.)

 

1.   Je, baadhi ya wazee wa kanisa hawaelewi ujumbe huu? (Kama mtu anapendekeza kuwa tunapaswa kufanya mambo kama ambavyo tumekuwa tukiyafanya siku zote, kama mtu anasema kuwa tunapaswa kupuuzia mikakati ya masoko yenye mafanikio, basi mfano huu umelengwa kwa ajili yao.)

 

J.   Rafiki, je, utachukua vidokezo hivi kwa ajili ya kufundishia na kuvijumuisha kwenye uongoaji wako wa roho?

 

Macho ya Bwana”: Mtazamo wa Kibiblia wa Ulimwengu

(Zaburi 53, Yohana 1, Ayubu 1)

 

Utangulizi: Nilipokuwa shule swali kubwa lilikuwa ni, “Unataka kuwa nani? Unataka kusomea taaluma gani katika maisha yako yote?” Katika Shule ya Sheria ya Chuo Kikuu cha Regent, ambapo ndipo ninafundisha, tunawakabili wanafunzi kwa kuwapa changamoto pana kwa ajili ya mipango yao ya baadaye. Changamoto hii inaitwa “Professional Identity Information.” Unaweza kusema, “Wapo katika Shule ya Sheria, tayari wanalifahamu hilo.” Hapana. “Professional Identity Information” huwapa changamoto ya kujibu swali la “Una mkakati/dira (roadmap) gani kwa ajili ya mustakabali wako? Utakuwa mtu wa namna gani utakapokuwa unatekeleza shughuli za kisheria? Imani yako itayaongozaje maisha yako ya kitaaluma?” Kama ungekuwa unajenga nyumba kwa ajili ya kuishi siku zijazo, je, ungeibuni nyumba hiyo kwa bahati bila kuzingatia utaalamu? Je, utafanya uamuzi wa siku kwa siku juu ya nini cha kufanya? Kimsingi hapana, hutafanya hivyo! Kwa nini basi uchukue njia hiyo kwa ajili ya mustakabali wako? Juma hili somo letu linahusu kile ambacho Biblia inakizungumzia kuhusu mtazamo sahihi wa kidunia wa kuyapangilia maisha yetu na mustakabali wetu. Hebu tuzame kwenye somo letu la Biblia!

 

I.   Mlinzi

 

A.   Soma Zaburi 53:1-2. Hii inaashiria nini kuhusu makundi mawili ya watu? (Kuna “wapumbavu” wanaodhani kuwa Mungu hayupo, na hivyo Mungu hazingatii wanayoyafanya. Kisha kuna wale wanaojua kuwa Mungu yupo ambaye anayaangalia matendo yao. Wanatafuta kupata mwongozo wake.)

 

B.   Soma Zaburi 53:3-4. Kuna wapumbavu wangapi? (Kifungu hiki kinasema kuwa wanadamu wote ni wapumbavu.)

 

C.   Soma Zaburi 53:5. Nimesoma habari mbalimbali za tafiti zilizoainisha, hususani miongoni mwa vijana wadogo, hisia za wasiwasi zinazoibuka. Je, kuna sababu ya kuwepo kwa hofu?

 

1.   Kifungu hiki kinaonekana kusema kuwa hakuna sababu ya kuwepo kwa hofu, lakini yote kwa yote watu wanapatwa hofu. Lakini, kifungu kinatoa sababu kubwa ya kuwa na hofu – kwamba Mungu atakudhalilisha, atakuua, na kukunyima mazishi mazuri. Kifungu hiki kinawezaje kusema kuwa hakuna sababu ya kuwepo kwa hofu? (Dhana iliyopo, kwa mara nyingine, ni kwamba kuna makundi mawili. Kwa kundi moja hakuna sababu ya kuwepo kwa hofu kwa sababu hofu haipo. Kwa kundi jingine, wana sababu nzuri ya kuwa na wasiwasi.)

 

D.   Soma Zaburi 53:6. Je, kauli ya awali kwamba kila mtu ni mpumbavu ni ya kweli? Au, je, hiyo ilikuwa ni kutia chumvi? (Kuna watu wanaoweza kufurahi na kufurahia. Hawa ni wale wanaomwamini Mungu na kufundisha habari za Mungu. Jambo la pekee linakuja “kutoka Sayuni!”)

 

E.   Kama ungekuwa umekaa chini ili kutengeneza mkakati/dira kwa ajili ya maisha yako, je, Zaburi 53 ingeathirije mipango yako? (Hakuna mtu anayetaka kuishi kwa hofu. Kila mtu anapenda “shujaa” wa kumwangalia/kumlinda. Mungu anatazama. Mungu anajihusisha na maisha yetu kwa ukaribu kabisa. Mungu ana mpango wa kutenda mambo mema ambayo yataleta furaha na kicheko. Ningependa kuujua mpango huo ili niweze kuufanya uwe mpango wangu!)

 

II.  Uhalisia wa Mlinzi

 

A.   Kwenye kesi, pingamizi mojawapo maarufu ni kwamba swali linakosa “msingi.” Kwa kitendo hicho, mpingaji anamaanisha kuwa dhana zilizomo kwenye swali hilo hazijathibitishwa, na hivyo swali ni batili. Msingi gani unakosekana kwenye maswali/hoja nilizozijenga kwenye kipengele kilichopita katika somo hili? (Kwamba Mungu yupo. Tunaposoma kuwa Mungu anatutazama na kutoa hukumu, hiyo inachukulia dhana gani? Kwamba Mungu yupo.)

 

B.   Soma Yohana 1:1-3. Hii inazungumzia nini kuhusu asili na kuwepo kwa Mungu? (Inasema kuwa “Neno” na “Mungu” walikuwepo hapo mwanzo. Pia inatuambia kuwa Neno na Mungu ni wamoja, na kwamba waliumba kila kitu.)

               

1.   Je, hiyo inatosha kiasi cha wewe kuamini? Vipi kuhusu mwenye kushuku?

 

C.   Soma Warumi 1:19-20. Uthibitisho wetu ni upi kwamba Mungu yupo? (Uumbaji.)

 

1.   Ni kitu gani, kwa mujibu wa vifungu hivi, kwa mahsusi kinamthibitisha Mungu wa uumbaji? (“Uwezo wake wa milele” na “asili yake ya Uungu.”)

 

2.   Fikiria juu ya kile unachokifahamu kuhusu wanadamu tangu enzi na enzi. Je, wengi wao walimwamini Mungu? (Kwa jinsi ninavyoielewa historia, wanadamu wengi tangu enzi na enzi wamekuwa wakimwamini mungu wa namna fulani hivi.)

 

a.   Kwa nini? (Kwa sababu walitambua kuwa wasingeweza kuumba ulimwengu. Walikuwa wanyeyekevu vya kutosha kiasi cha kukubali ukweli huo.)

 

b.   Tafakari jambo hili. Ikiwa bongo zetu zilikua na kugeuka kutokana na bahati na mambo ya asili, kwa nini basi hata tufikirie kuhusu mungu? Mbwa hawafikiri chochote kuhusu miungu. (Ukweli kwamba sisi (na wanadamu wa nyakati zote) tunatafakari suala la “mungu” ni hoja yenge nguvu kimantiki kwenye uumbaji.)

 

c.   Inaonekana kwamba tuna wakanaMungu na agnostiki (wasadikio kuwa hakuna habari za Mungu wala hawawezi kuzijua) kuliko ilivyowahi kutokea kabla katika kipindi ambacho tuna uelewa mkubwa wa ulimwengu. Kwa nini?

 

D.   Soma Warumi 1:21-22. Biblia inatoa ufafanuzi gani kwa wale wasiomwamini Mungu? (Majisifu. Kiburi hiki mwisho wake ni upumbavu uliotiwa giza. Inaonekana dhahiri kabisa kwamba kwa kadri tunavyofunua ugumu wa kila kitu ndivyo ushahidi wa umahiri mkubwa unavyokuwa wa kuvutia zaidi – angalao kwa watu wenye fikra nzuri na yenye mantiki.)

 

III. Uovu na Mtazamo Wetu wa Kidunia

 

A.   Kama tukiwaambia wapanagi, “Hebu angalia katika maeneo yanayokuzunguka na utamwona Mungu.” Utatarajia jibu gani? (Watakubali, wataonesha uovu wote uliopo, na kusema hii ni hoja yenye nguvu sana dhidi ya kuwepo kwa Mungu mwema.)

 

B.   Soma Ayubu Job 1:6-7. Hii inatufundisha nini kuhusu mfumo wa utawala wa ulimwengu? (Kuna aina fulani ya kamati ya mbinguni inayokutana mara kwa mara.)

 

1.   Nani alikuwa mwakilishi wa dunia yetu katika kipindi hicho? (Shetani.)

 

C.   Soma Ayubu 1:8-11. Hii inaelezeaje mambo mabaya kuwatokea watu wema?

 

D.   Soma Ayubu 1:12. Nani mwenye udhibiti wa mwisho kwenye maisha ya muumini? (Mungu.)

 

E.   Soma Waefeso 6:12-13. Hii inaashiria nini kuhusu maisha ya kila siku? (Kwamba “nguvu za kiulimwengu juu ya giza la sasa” ni vipengele katika maisha yetu!)

 

F.   Unapotafakari mkakati wako kwa ajili ya mustakabali wako, utazingatiaje taarifa hii ya muhimu? (Tunapaswa kutengeneza mkakati/dira, lakini tunatakiwa kuelewa kuwa dirap yetu imewekwa kupitia kwenye ukanda wa mapambano.)

 

G.   Soma Yakobo 4:13-15. Je, Yakobo anatoa ushauri dhidi ya dira kwa ajili ya mustakabali wetu? (Hapana. Anatuonya juu ya hatari ya kutojumuisha mipango ya Mungu katika mustakabali wetu. Dira yetu inatakiwa kujengwa juu ya mapenzi ya Mungu.)

 

IV.  Mtazamo Mpana wa Dira/Mkakati

 

A.   Soma Luka 22:14-16. Hatujajadili injili katika somo hili, lakini ninachukulia kwamba nyote mnaifahamu. Yesu anawaambia nini wanafunzi wake kuhusu mambo yajayo? (Kwamba kuna Ufalme wa Mungu katika siku zijazo.)

 

B.   Soma Luka 22:17-18. Yesu anatuambia nini kuhusu kuila Pasaka na kunywa “mazao ya mzabibu?” (Kwamba atasitisha kuyafanya yote hayo mawili hadi “ufalme wa Mungu utakapokuja.”)

 

C.   Soma Ufunuo 21:1-3. Mustakabali wa waliookolewa ni upi? (Mbingu mpya na nchi mpya ambapo Mungu anakaa pamoja na watu wake.)

 

1.   Je, hii ni sehemu ya dira yako?

 

2.   Kama umesema, “ndiyo,” je, inaathirije uchukuaji wako wa uamuzi sasa hivi?

 

3.   Kama umesema, “ndiyo,” hiyo inaathirije kiwango chako cha wasiwasi katika maisha yako?

 

D.   Rafiki, je, umetafakari mkakati na dira yako kwa maombi mengi? Ni vizuri sana kuwa na dira unapokuwa kijana mdogo, lakini hata wazee wanapaswa kumwomba Roho Mtakatifu kwa ajili ya mwongozo kwa kipindi walichosaliwa nacho hapa duniani. Kulifahamu hili si mwisho wa njia, kwamba njia yetu inaendelea mbinguni, ndio kipengele cha muhimu kabisa cha mpango wetu wa sasa. Je, unaahidi kuifikiria dira kwa dhati kabisa?

 JE ISAYA 9:6 INASEMA YESU NI MUNGU MUUMBAJI?

Je Kristo ni Baba wa milele?

Isaya 9:6 “Maana kwa ajili yetu mtoto amezaliwa,

Tumepewa mtoto mwanamume; Na uweza wa

kifalme utakuwa begani mwake; Naye ataitwa jina

lake, Mshauri wa ajabu, Mungu mwenye nguvu,

Baba wa milele , Mfalme wa amani.”

Wanautatu wengi hutumia fungu hili kudai kwamba

Yesu ndiye Mungu Baba, kwa sababu ya neno

“Baba wa milele” lililo hapo. Lakini tatizo kubwa lililo

hapo ni kwamba, watu wengi hawaelewi maana

halisi ya maneno “Baba wa milele”, maneno haya

hayamaanishi kwamba Yesu ndiye Mungu Baba,

bali ni jina tu ambalo Yesu kama Mwana wa Mungu

angeitwa, tena hata hivyo, maneno haya

yametafsiriwa vibaya tofauti na maana zake sahihi.

Tena inashangaza kuona kwamba fungu la Isaya

9:6 linatofautiana maneno na maana zake katika

nakala mbalimbali za mapema sana. Hapa

tutaangalia tofauti iliyopo kati ya nakala za kiebrania

za mapema zinazoaminika za “Dead Sea Scroll

(DSS)”, na “Masoretic Text (MT)”, na nakala moja

ya Kigiriki ya “Septuagint (LXX)” iliyotafsiriwa na

Wayahudi 70.

…Mungu Mwenye nguvu

Isaya 9:6 DSS.

Echa hii ni nakala ya Dead Sea Scroll katika

fungu la Isaya 9:6. Kwenye mstari wa chini neno la

upande wa kuria lililopigiwa mstari ni אלגבור

(elgibor). Ambalo katika nakala ya Masoretic text

limeandikwa kama maneno mawili – אל גבור (el

gibor). Neno אל (el) linamaanisha “Mungu”, na neno

גבור (gibor) linamaanisha “shujaa”. Kwa pamoja

maneno haya yanamaanisha “Mungu ni shujaa”.

Kwa sababu maneno haya mawili yameandikwa

kama neno moja katika Dead Sea Scroll inaonekana

kwamba maneno haya mawili ni jina tu ambalo ni –

“elgibor”.

Kwa mfano; neno עמנואל (imanuel) katika Isaya

7:14, kwenye Dead Sea Scroll ni neno moja. Lakini

katika Masoretic text neno hili limeandikwa kama

maneno mawili עמנו אל (imanu el). Neno עמנו

(imanu) linamaanisha “pamoja nasi” na neno אל (el)

linamaanisha “Mungu”; Kwa pamoja ni “Mungu

pamoja nasi”. Lakini kwa sababu katika DSS

limeandikwa kama neno moja inaonesha kuwa hilo

ni jina tu ambalo ni – “imanuel”

Neno מִיכָאֵל (Mikael) linalopatikana katika 1Nyakati

12:21, Yuda 1:9 n.k., ni muungano wa maneno

mawili ambayo ni מִיכָ (Mika) linalomaanisha “nani

kama” na אֵל (el) linalomaanisha “Mungu”. Kwa

pamoja ni “nani kama Mungu”. Kwa sababu maneno

yote mawili yameunganishwa kama moja, hivyo hilo

ni jina tu la – “Mikael” na sio sentensi; na hivyo

ndivyo lilivyotafsiriwa katika Biblia.

Neno אֱלִישָׁע (Elisha) linapatikana katika 1 Wafalme

19:16, 17, 19 n.k, nalo ni muunganiko wa maneno

mawili אֱלִ (el) linalomaanisha “Mungu” na ישָׁע (sha)

linalomaanisha “wokovu”. Kwa pamoja itamaanisha

“Mungu ni wokovu”. Kwa sababu maneno yote

mawili yameunganishwa kuwa moja tu, hivyo hilo ni

jina tu la – “Elisha” na ndivyo lilivyotafsiriwa

kwenye Biblia.

Kuna majina mengi sana katika Biblia ya kutolea

mifano, na hapa nitaonyesha baadhi yake kwa ufupi.

Jina אֱלִיהוּא (Elihu) linamaanisha “Yeye ni Mungu

wangu”. Jina (Eliel) linamaanisha “Mungu [wangu] ni

Mungu”. Jina אֶלְעָזָר (Elazar) linamaanisha “Mungu

amesaidia”. Jina אֵלִיָּה (Eliyyah) -Eliya- linamaanisha

“Yah ni Mungu”. Na jina שְׁמוּאֵל (Shemuel) -

Samweli- linamaanisha “jina la Mungu”. Hivyo, neno

“Mungu mwenye nguvu” katika Isaya 9:6 kutokana

na Dead Sea Scroll (DSS) ni אלגבור (elgibor). Lakini

katika Masoretic text (MT) neno hili limegawanywa

kuwa mawili – אל גבור (el gibor). Neno אל (el)

linamaanisha “Mungu” na גבור (gibor) linamaanisha

“shujaa”. Kwa pamoja linatafsiriwa kama “Mungu ni

shujaa”. Lakini kwa sababu katika Dead Sea Scrolls

maneno haya mawili ni neno moja tu, hivyo hilo ni

jina tu la – “elgibor” na sio sentensi; na hivyo

ndivyo lilipaswa kutafsiliwa; kama vile majina

mengine mengi yalivyotafsiriwa; kama vile, Imanuel,

Elisha, Eliya, Mikael, Elihudi, Samweli n.k., haya yote

hayakutafsiriwa kama sentensi bali kama jina tu.

…Baba wa milele

Isaya 9:6

Katika picha hii; angalia katika mstari wa chini.

Maneno mawili ya katikati yaliyopigiwa mstari ni אבי

עד (aviy ad). Neno אבי (aviy) linamaanisha “baba

wa..” na עד (ad) linamaanisha “tena” au

“mpaka” (Zab 104:23), na “daima”, “siku zote” (Zab

61:8), au milele(ever). Neno hili עד (ad/ed) mara

nyingi hutumiwa katika maneno לעלם ועד (l’olam

v’ed). Wakati linapotumiwa kama hivi humaanisha

“milele na milele” (forever and ever), kwa uhalisia

humaanisha “mpaka milele na tena” (to eternity and

again). Neno (aviy) na (ad) yote mawili katika

Masoretic text yameandikwa kama neno moja

kuonyesha kuwa hilo ni jina tu la – “Aviyad”

Notes on the Bible, na Albert Barnes, inasema,

“Chaldee (Kikaldayo) inaweka msemo huu, ‘mtu

kukaa milele.’ Vulgate, ‘Baba wa nyakati zijazo.’

Lowth, ‘Baba wa umri wa milele.’ Kwa uhalisia, ni

“Baba wa milele.”

Hivyo, Isaya 9:6 haisemi kwamba Yesu ni Mungu

Baba, bali Yesu ni “Baba wa nyakati zote

zinazokuja”. Neno “milele” la kiingereza

“evalasting” linamaanisha “milele kwa siku zijazo”,

ni tofauti na neno “eternity” linalomaanisha “milele

bila mwanzo wala mwisho”. Ukilinganisha na neno

la kiebrania (ad) ambalo kwa kifupi linamaanisha

“ever/forever” (milele/daima) hii ni kwa wakati wa

mbele. Hata hivyo maneno “Baba wa milele” katika

nakala ya kiebrania ya Masoretic text yameandikwa

kwa pamoja kama אביעד (aviyad) kuonyesha

kwamba hilo ni jina tu la – “Aviyad” kama vile jina

Elisha linamaanisha “Mungu ni wokovu” lakini Elisha

mwenyewe sio Mungu, na Jina Samwel

linamaanisha “Jina la Mungu” lakini Samweli

mwenyewe sio Mungu, na jina Eliya linamaanisha

“Yah ni Mungu” lakini Eliya mwenyewe sio Yah wala

Mungu, na Jina Isaya linamaanisha “Yah huokoa”

lakini Isaya mwenyewe sio Yah wala Mungu. Vivyo

hivyo, jina Aviyad linamaanisha “Baba wa milele

kwa nyakati zijazo” lakini Yesu mwenyewe siyo

Mungu Baba.

…Mfalme wa amani

Isaya 9:6 DSS

Katika picha hii ya Isa 9:6 katika Dead Sea Scrolls.

Katika mstari wa chini, maneno ya upande wa

kushoto mwishoni yaliyopigiwa mstari ni שר השלום

(sar hashalom). Katika Masoretic text maneno haya

yameandikwa kama שר שלום (sar shalom), neno ה

(ha) ambalo halina maana kwa kiswahili lakini kwa

kingereza linamaanisha “the” halipo. Neno שר (sar)

linamaanisha “mtawala” na שלום (shalom)

linamaanisha “amani” (au kiuhalisi zaidi “zima” au

“kamili”). Maneno katika Masoretic text

yangetafsiriwa kama “mtawala wa amani”, wakati

katika Dead Sea Scroll yangetafsiriwa kama

“mtawala wa (the) amani”. Inaonekana kwamba

neno השלום (hashalom) katika DSS nalo ni jina tu –

“hashalom” (ni jina lingine kwa ajili ya

“Yerusalemu”?). Hivyo, katika mtindo huu fungu la

Isaya 9:6 lingetafsiriwa kama hivi; Kuhusu mtoto

ambaye tumepewa atakayeitwa Mshauri wa Ajabu,

“Eligibor, Aviyad, Mtawala wa Hashalom ” kitu

ambacho ni tofauti sana na fungu linavyosomeka

sasa.

Kwanini kuna tofauti kati ya DSS, MT na Septuagint?

Dead Sea Scrolls (DSS) ni magombo ya maandiko

ya kiebrania, kiaramu na kigiriki yaliyovumbuliwa

kati ya mwaka 1946 na 1956 katika mapango 7

karibu na Bahari ya Chumvi, inaaminika kwamba

magombo hayo yalifichwa na Wayahudi waliokuwa

wakikimbia vita katika Yerusalemu kati ya mwaka

66 hadi 73 B.K.

Masoretic Text (MT) ni kazi ya kundi la waandishi

wa Kiyahudi linaloitwa Wamasorete katika karne ya

5 B.K. walikusanyika kuhariri, kuchagua na kunakiri,

maandiko ya kiebrania ili kuongeza vokali na

matamshi katika konsonanti za kiebrania. Kazi hii

ilifanyika katika 500-700 BK.

Septuagint (LXX) ni Maandiko ya kigiriki ya Agano la

Kale yaliyotafsiriwa kutoka katika lugha ya

kiebrania. Septuagint ilitafsiriwa huko Iskandria,

Misiri, kwa ajili ya kutumiwa na jumuiya ya

Wayahudi walioongea kigiriki huko. Septuagint

ilianza kutafsiliwa tangu karne ya tatu K.K hadi

karne ya pili katikati K.K..

Hivyo, tofauti iliyopo ni kwamba MT imehaririwa na

kuongezwa vokali na matamshi; kwa mfano jina

“Imauel” katika MT ni “Imanu el”, hii ni tofauti na

DSS ambayo inaonyesha kama “imanuel” ambalo ni

jina tu na si maneno.

Ukweli zaidi katika Isaya 9:6 unaothibitisha kuwa

Yesu sio Mungu Baba

Kama tulivyoona huko nyuma, kwamba Isaya 9:6

ina mkanganyiko mkubwa kwa sababu ya

kutofautiana kivokali katika nakala zote za DSS na

MT. Lakini hata hivyo bado kuna nuru katika fungu

hili inayoonyesha wazi kwamba Yesu siyo Mungu

Baba kiuharisia. Mtu yeyote anayependa nuru ili

awe huru, natumaini kwa nuru hii iliyopo katika

fungu hili anaweza kuja katika hitimisho kwamba

Yesu si Mungu Baba, bali ni Mwana wa Mungu, na

Mwana wa Mungu akikuweka huru utakuwa huru

kwelikweli.

…Na jina lake ataitwa

Isaya 9:6 inaongelea mtoto ambaye angezaliwa na

kuitwa majina kama tuliyoona huko nyuma, na

mengine tutakayoona huko mbele. Yohana 1:1

ikizungumzia mtoto huyo atakayekuja inasema

kuwa “Yeye [Neno] alikuwa ni Mungu, Naye [Neno]

alikuwa kwa Mungu”. Kuonyesha wazi kwamba

mtoto huyo hakuwa Baba bali alikuwa kwa Mungu

Baba. Na Yohana 1:14 inathibitisha kwamba

“alikuwa ni Mwana wa pekee wa Mungu” na hii ndio

sababu alikuwa Mungu kwa asili; kwa sababu

alikuwa ni Mwana wa Mungu. Yohana 1:14 inaweka

wazi zaidi kwamba huyu “Mwana wa Mungu

alifanyika mwili wa kibinaadamu akakaa kwetu”. Ili

afanane na sisi ni lazima angezaliwa na mwanamke

(Maria) ili arithi asili ya ubinaadamu na mwili wa

dhambi (Rum 8:3) kutoka kwake. Na hivyo hapa

ndipo unabii wa Isaya 9:6 unatimia kwamba “kwetu

mtoto amezaliwa, tumepewa mtoto”. Mtume Paulo

katika Wafilipi 2:5-7 anashuhudia ya kuwa “mtoto

huyu hapo zamani alikuwa anafanana na Mungu

katika asili, tabia, na sifa.” Anasema zaidi kuwa,

“mtoto huyu aliamua kuiacha hali ya kufanana na

Mungu, na akaamua kuchukua juu yake hali ya

kufanana na mwanadamu”. Na Mika 5:2-3 kuhusu

mtoto huyu inatuambia kuwa “angetokea

Bethelehem” lakini “alikuwepo tangu zamani za

kale, tangu milele”. Si kwamba Yeye ni wa milele

asiye na mwanzo, hapana! Lakini ni wa zamani

sana kiasi kwamba akili ya mwanadamu haiwezi

kung’amua, na hivyo kwa mwanadamu ni kama

milele (angalia Mithali 8:22-25).

Biblia inatuambia kwamba mtoto ataitwa jina lake,

neno la kiebrania וַיִּקְרָ֤א kwa ajili ya “ataitwa”

limetafsiriwa katika Mwanzo 5:29 kama “atamwita”,

na katika Mwanzo 26:18 kama “akaviita”. Neno

וַיִּקְרָ֤א ( way·yiq·rā) linapatikana mara 201 katika

Biblia yote na limetafsiriwa kuonyesha mtu fulani

anamwita jina mtu flani mwingine. Hivyo, Isaya 9:6

itakuwa inasema, “Naye atamwita jina lake Mshauri

wa Ajabu, Elgibor (Mungu ni shujaa)” kumaanisha

kwamba Mungu ndiye atamwita Yesu jina hilo. Na

hii imethibitishwa katika Zaburi 45:6-7 na

Waebrania 1:8-9 ambapo Mungu Baba Mwenyewe

anamwita Yesu kuwa ni Mungu. Hivyo majina hayo

katika Isaya 9:6 Mungu Baba ndiye alimwita Yesu,

na hivyo Yesu sio Mungu Baba Mwenyewe.

Waebrania 1:8,9 “Lakini kwa habari za Mwana

asema, Kiti chako cha enzi, Mungu, ni cha milele na

milele; Na fimbo ya ufalme wako ni fimbo ya adili.

Umependa haki, umechukia maasi; Kwa hiyo

Mungu, Mungu wako, amekutia mafuta, Mafuta ya

shangwe kupita wenzio.”

Ukweli zaidi katika Isaya 9:6 unaothibitisha kuwa

Yesu sio Mungu Baba

Kama tulivyoona huko nyuma, kwamba Isaya 9:6

ina mkanganyiko mkubwa kwa sababu ya

kutofautiana kivokali katika nakala zote za DSS na

MT. Lakini hata hivyo bado kuna nuru katika fungu

hili inayoonyesha wazi kwamba Yesu siyo Mungu

Baba kiuharisia. Mtu yeyote anayependa nuru ili

awe huru, natumaini kwa nuru hii iliyopo katika

fungu hili anaweza kuja katika hitimisho kwamba

Yesu si Mungu Baba, bali ni Mwana wa Mungu, na

Mwana wa Mungu akikuweka huru utakuwa huru

kwelikweli.

…Na jina lake ataitwa

Isaya 9:6 inaongelea mtoto ambaye angezaliwa na

kuitwa majina kama tuliyoona huko nyuma, na

mengine tutakayoona huko mbele. Yohana 1:1

ikizungumzia mtoto huyo atakayekuja inasema

kuwa “Yeye [Neno] alikuwa ni Mungu, Naye [Neno]

alikuwa kwa Mungu”. Kuonyesha wazi kwamba

mtoto huyo hakuwa Baba bali alikuwa kwa Mungu

Baba. Na Yohana 1:14 inathibitisha kwamba

“alikuwa ni Mwana wa pekee wa Mungu” na hii ndio

sababu alikuwa Mungu kwa asili; kwa sababu

alikuwa ni Mwana wa Mungu. Yohana 1:14 inaweka

wazi zaidi kwamba huyu “Mwana wa Mungu

alifanyika mwili wa kibinaadamu akakaa kwetu”. Ili

afanane na sisi ni lazima angezaliwa na mwanamke

(Maria) ili arithi asili ya ubinaadamu na mwili wa

dhambi (Rum 8:3) kutoka kwake. Na hivyo hapa

ndipo unabii wa Isaya 9:6 unatimia kwamba “kwetu

mtoto amezaliwa, tumepewa mtoto”. Mtume Paulo

katika Wafilipi 2:5-7 anashuhudia ya kuwa “mtoto

huyu hapo zamani alikuwa anafanana na Mungu

katika asili, tabia, na sifa.” Anasema zaidi kuwa,

“mtoto huyu aliamua kuiacha hali ya kufanana na

Mungu, na akaamua kuchukua juu yake hali ya

kufanana na mwanadamu”. Na Mika 5:2-3 kuhusu

mtoto huyu inatuambia kuwa “angetokea

Bethelehem” lakini “alikuwepo tangu zamani za

kale, tangu milele”. Si kwamba Yeye ni wa milele

asiye na mwanzo, hapana! Lakini ni wa zamani

sana kiasi kwamba akili ya mwanadamu haiwezi

kung’amua, na hivyo kwa mwanadamu ni kama

milele (angalia Mithali 8:22-25).

Biblia inatuambia kwamba mtoto ataitwa jina lake,

neno la kiebrania וַיִּקְרָ֤א kwa ajili ya “ataitwa”

limetafsiriwa katika Mwanzo 5:29 kama “atamwita”,

na katika Mwanzo 26:18 kama “akaviita”. Neno

וַיִּקְרָ֤א ( way·yiq·rā) linapatikana mara 201 katika

Biblia yote na limetafsiriwa kuonyesha mtu fulani

anamwita jina mtu flani mwingine. Hivyo, Isaya 9:6

itakuwa inasema, “Naye atamwita jina lake Mshauri

wa Ajabu, Elgibor (Mungu ni shujaa)” kumaanisha

kwamba Mungu ndiye atamwita Yesu jina hilo. Na

hii imethibitishwa katika Zaburi 45:6-7 na

Waebrania 1:8-9 ambapo Mungu Baba Mwenyewe

anamwita Yesu kuwa ni Mungu. Hivyo majina hayo

katika Isaya 9:6 Mungu Baba ndiye alimwita Yesu,

na hivyo Yesu sio Mungu Baba Mwenyewe.

Waebrania 1:8,9 “Lakini kwa habari za Mwana

asema, Kiti chako cha enzi, Mungu, ni cha milele na

milele; Na fimbo ya ufalme wako ni fimbo ya adili.

Umependa haki, umechukia maasi; Kwa hiyo

Mungu, Mungu wako, amekutia mafuta, Mafuta ya

shangwe kupita wenzio.”

…Mshauri wa Ajabu

Hapa utafsiri ulikosewa kidogo, na ilitakikiwa

kutafsiri kwamba, “ Naye atamwita jina lake Wa

Ajabu, Mshauri ” au “Mshauri, Wa Ajabu ” Neno “Wa

Ajabu” kiuhalisia linaonyesha uajabu katika kazi

zake zote na sio katika ushauri tu. Hivyo, neno “Wa

Ajabu” kwa sababu ni jina atakaloitwa mtoto huyo,

hii inamaanisha kwamba jina lake ni “La Ajabu”.

Kwa hiyo tukiwa na ukweli huu katika akili, hebu

tuangalie ni nani jina lake ni la ajabu katika

Maandiko, kisha tutajua mtoto huyo mwenye jina

“Wa Ajabu” au “La Ajabu” kiukweli ni nani.

Je unakumbuka wakati flani katika historia ya

kibiblia, malaika wa Bwana aliwatokea Manoa na

mke wake na akawaahidi kwamba watapata mtoto

mwanamme ambaye alipozaliwa aliitwa jina lake

Samsoni? Manoa alijaribu kumuuliza yule malaika

wa Bwana kwamba jina lake ni nani, yule malaika

wa Bwana alijibu kwamba “jina langu ni la ajabu”

Waamzi 13:17-18 inasema, “Manoa akamwambia

huyo malaika wa Bwana, Jina lako ni nani, ili

kwamba hapo hayo maneno yako yatakapotimia

nipate kukutukuza? Huyo malaika wa Bwana

akamwambia, Kwani wewe kuniuliza jina langu, kwa

kuwa jina hilo ni la ajabu? ”

Malaika huyu wa Bwana mwenye jina la Ajabu

alikuwa ni Yesu Kristo Mwenyewe, tena baada ya

hayo wakati Manoa anatoa sadaka tunaona malaika

huyo akatenda jambo la ajabu, maana alipaa na

mwali wa moto uliotoka pale madhabahuni kwenda

mbinguni.

Waamuzi 13:19 “Basi Manoa akamtwaa yule

mwana-mbuzi, pamoja na sadaka ya unga,

akamtolea Bwana hapo juu ya mwamba; huyo

malaika akatenda la ajabu ; Manoa na mkewe

wakaangalia.”

Tena kuna ushahidi wa Maandiko kwamba Malaika

huyu wa Bwana amekuwa akiitwa hata jina la

Mungu au Bwana kitu ambacho malaika wa kawaida

tu hawezi kuitwa, tena malaika huyu wa Bwana

ndiye alimtokea Musa katika mwali wa moto

(Kutoka 3:2). Ndiye alimzuia Ibrahimu kumtoa Isaka

kafara (Mwanzo 22:11-12), na ukisoma zaidi utaona

malaika huyu wakati mwingine ameitwa jina la

Mungu au Bwana, na wakati wa Manoa akadai

kwamba jina lake ni la Ajabu. Hakuna mtu

anayeweza kumwona Mungu akaishi, lakini Mungu

alimtumia Yesu kama malaika wake tangu zamani

ili kutimiza mapenzi yake, na kwa kuwa Yesu ni

Mwana wa Mungu, hivyo naye ni Mungu kwa asili

na sifa za kiuungu; na ndio maana anaitwa malaika

wa Bwana lakini wakati mwingine anaitwa kama

Mungu! Manoa alipomwona malaika huyu alidhani

amemwona Mungu na hivyo atakufa, lakini

kwakuwa yule malaika sio Mungu Baba, hivyo

Manoa hakufa (angalia Waamuzi 13:22)

Neno “malaika” la kiebrania ni מַלְאָך (malak) na la

kigiriki ni ἄγγελος (aggelos) na yote yanamaanisha

“mjumbe”. Hivyo Yesu kama mjumbe wa Bwana,

alitumwa na Mungu duniani kufanya mapenzi yake

tangu zamani; tena malaika huyu alitumwa kuja

kuuokoa ulimwengu (Yohana 3:16). Tena hapa

katika fungu la Isaya 9:6 kuna mkanganyiko

mkubwa sana; kwa maana Agano la kale la kigiriki -

Septuagint- katika Isaya 9:6 linamtaja mtoto

ambaye tumepewa kama “mjumbe” au “malaika”.

(ὅτι παιδίον ἐγεννήθη ἡμῖν υἱὸς καὶ ἐδόθη ἡμῖν οὗ ἡ ἀρχὴ

ἐγενήθη ἐπὶ τοῦ ὤμου αὐτοῦ καὶ καλεῖται τὸ ὄνομα αὐτοῦ

μεγάλης βουλῆς ἄγγελος ἐγὼ γὰρ ἄξω εἰρήνην ἐπὶ τοὺς

ἄρχοντας εἰρήνην καὶ ὑγίειαν αὐτῷ) Isaya 9:6

Septuagint.

Tafsiri yake ya kiingereza inasomeka kama hivi…

“For a child is born to us, and a son is given to us,

whose government is upon his shoulder: and his

name is called the Messenger of great counsel: for I

will bring peace upon the princes, and health to

him.” Isaiah 9:6 Brenton Septuagint Translation.

Tafsiri yake kwa kiswahili ni kama hivi…

“Kwa maana Mtoto amezaliwa kwetu, na Mwana

tumepewa, ambaye mamlaka yako juu ya bega lake;

na jina lake anaitwa Mjumbe wa kusudi kuu; maana

nitaleta amani juu ya wakuu na afya juu yake.”

Isaya 9:6 Septuagint.

Septuagint ilitafsiriwa na Wayahudi kama 70-72

katika miaka ya 300-200 K.K., na hata hivyo

Septuagint ni nakala za mapema sana za Agano la

kale. Pia Agano la kale la kiebrania lithibitishwa na

Wamasorete katika karne ya 6 B.K., Na inajulikana

vizuri kwamba upotofu umeanza kuingia katika

Maandiko ya kiebrania katika karne za 6 na 7. Hivyo

lazima tujiulize, kwanini Septuagint nakala za

mapema sana zinasema tofauti? Jibu ni aidha

Septuagint inasema ukweli na nakala zingine

zimepotoshwa katika fungu la Isaya 9:6! Na tena ni

kwanini Paulo anamwita Yesu kuwa ni “Mpatanishi

wa Agano Jipya”? Aidha Septuagint itakuwa

inasema ukweli au kama sivyo, bado Yesu ni

Mjumbe au malaika wa Agano Jipya; maana

alitumwa na Baba kuja ulimwenguni, tena ndiye

malaika wa Bwana aliyeongea na watakatifu wa

Agano la kale na hivyo hawezi kuwa Mungu Baba

kwa uhalisi.

Waebrania 8:6 “Lakini sasa amepata huduma iliyo

bora zaidi, kwa kadiri alivyo mjumbe [mpatanishi]

wa agano lililo bora, lililoamriwa juu ya ahadi zilizo

bora.”

Waebrania 9:15 “Na kwa sababu hii ni mjumbe

[mpatanishi] wa agano jipya, ili, mauti ikiisha

kufanyika kwa kukomboa makosa yaliyokuwa chini

ya agano la kwanza, hao walioitwa waipokee ahadi

ya urithi wa milele.”

Waebrania 12:24 “na Yesu mjumbe [mpatanishi] wa

agano jipya, na damu ya kunyunyizwa, inenayo

mema kuliko ile ya Habili.”

NB: neno la kigiriki μεσίτης (mesités) halimaanishi

mjumbe kama lilivyotafs

Hitimisho

Kama tulivyoona huko nyuma fungu la Isaya 9:6 lina

mkanganyiko mkubwa sana; maana hata maneno na

maana zake zinatofautiana katika manuscripts

(nakala) za kiebrania na kigiriki za mapema, kitu

cha muhimu kuzingatia ni kwamba hakuna mtume

wala Mkristo aliyeandika maandiko ye yote

aliyewahi kutumia fungu hili. Mathayo, Luka, Marko

wala Yohana kamwe hawana fungu hili katika vitabu

vyao vya Injili. Hili nalo ni jambo la kujiuliza sana,

kama kweli Yesu angekuwa ni Mungu Baba,

Kwanini Waandishi wote wa vitabu vya Injili

hawakuwahi kutumia fungu hili kuelezea kuzaliwa

kwa Yesu? Tena Hakuna hata mtume mmoja

ambaye ana fungu hili katika walaka wake hata

mmoja. Pia waandishi wa Injili walitoa maandiko

kutoka kwenye Biblia ya kigiriki ya Septuagint, lakini

hawakuwahi kulitumi fungu la Isaya 9:6.

Kama Yesu angekuwa Mungu Baba kama

wanautatu wanavyodai, basi mitume wangelijua hilo;

maana imeandikwa “ Siri hiyo haikujulishwa

wanadamu katika vizazi vingine; kama

walivyofunuliwa mitume wake watakatifu na

manabii zamani hizi katika Roho ” Waefeso 3:3-4.

Mitume walifunuliwa siri yote kuhusu Mungu na

Kristo, lakini hakuna hata mtume mmoja aliyewahi

kutamka kwamba “Yesu ni Mungu Baba”, harafu

miaka 200 baada ya mitume kufa, watu wakaingiza

fundisho la utatu linalomfanya Yesu kuwa Mungu

Baba. Na wale wanaotetea mawazo haya wanatetea

akili za wanadamu kitu ambacho hata mitume

hawakuthubutu.

Kwa hiyo kama mtu akitumia fungu hili kusema

kwamba Yesu ni Mungu Baba, na afanye hivyo kwa

moyo wote. Lakini ajiulize kwanza, Ikiwa fungu hili

linatofautiana katika nakala za mapema, Je ni vema

kulitumia ili kuthibitisha kitu ambacho hata Yesu

Mwenyewe hakukisema? Na ikiwa mitume

wenyewe hawakuthubutu kulitumia fungu hilo wala

hawakuwahi kusema kuwa Yesu ni Mungu Baba, Je

ni vema sisi tuseme kinyume chao? Biblia

inatuambia kuwa “tumejengwa juu ya msingi wa

mitume na manabii”, tena Paulo anatuambia kuwa

“alaaniwe mtu anayehubiri Injili mpya” Ikiwa Mitume

walihubiri kuwa Yesu ni Mwana wa Mungu, wewe

leo unahubiri kuwa Yesu ni Mungu Baba. Je

unafanya vema? Hii sio tu kwamba uko kinyume na

mitume, lakini ni kumkana hata Kristo kuwa ni

Mwana wa Mungu, na huu ndio upinga Kristo.

(angalia 1Yohana 2:22,23)